XƏBƏR LENTİ

10 Mart 2021

Digər Xəbərlər

31 Yanvar 2021 - 16:21

“Şəhidlərin ailə üzvlərinə veriləcək sosial ödənişlərlə bağlı iclas keçirilib” –ƏƏSMN

Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondunun Sosial Ödənişlərin Təyinatı üzrə Mərkəzi Filialında Vətən müharibəsində şəhid olmuş hərbi qulluqçuların ailə üzvlərinə sosial ödənişlərin təyinatı üzrə proseslərin operativ və sürətli həyata keçirilməsi üzrə yaradılmış işçi qrupların növbəti iclası keçirilib.

Bu barədə Strateq.az-a Dövlət Sosial Müdafiə Fondundan məlumat verilib.

Fondun İdarə Heyətinin sədr müavini Zəka Mirzəyevin sədrliyi ilə keçirilən iclasda məlumat verilib ki, bu günədək şəhid ailələri üzvlərindən zəruri sənədlər istənilmədən sosial ödəniş təyinatları aparılıb.

Həmin sənədlər fondun əməkdaşları tərəfindən aidiyyəti qurumlardan toplanaraq, təyinatlar elektron qaydada, proaktiv şəkildə həyata keçirilib.

Bu təyinatların 53 faizi Sosial Ödənişlərin Təyinatı üzrə Mərkəzi Filialda yaradılmış işçi qrup tərəfindən aparılıb.