XƏBƏR LENTİ

15 Avqust 2020
14 Avqust 2020

Digər Xəbərlər

09 İyun 2015 - 11:28

“Babək haqqında mülahizələr” müzakirə edilib

vuqar tedbir.jpg

İyun ayının 8-də “Oğuz” Müstəqil Araşdırmaçılar Qrupu “Babək haqqında mülahizələrin milli ideologiyanın qorunmasına mənfi və müsbət təsirləri” mövzusunda MQF Bakı QHT Resurs və Təlim Mərkəzində dəyirmi masa keçirilib.

Tədbiri “Oğuz” MAQ rəhbəri Vüqar Zifəroğlu açdı. O bildirdi ki, rəhbərlik etdiyi fikir mərkəzi mütəmadi şəkildə milli kimliyimiz və mənəvi dəyərlərimizin təbliğatı ilə bağlı müxtəlif mövzularda tədbirlər təşkil edir və bu dəyirmi masa da onlardan biridir. İndiyədək 11 kitab nəşr edərək müzakirəyə təqdim etdiklərini bildirən V. Zifəroğlu, bu ilin sonunadək bir neçə belə tədbir keçirməyi planlaşdırdıqlarını vurğuladı. Mövzu ilə bağlı çıxış edən “Oğuz”MAQ İdarə Heyətinin üzvü, araşdırmaçı Ceyhun Bayramlı qeyd etdi ki, Azərbaycanın milli ideologiyasının təməl prinsipi olan Azərbaycançılıq və vətənpərvərlik prinsipləri IX əsrdə işğala qarşı xalq azadlıq hərəkatına öndərlik etmiş Babək Xürrəminin Azad Azərbaycan ideyaları ilə üst üstə düşür. O, çıxışında Babəkin sıradan bir üsyan başçısı olmadığını, əslində Azərbaycanın 22 il ərzində mövcud olmuş, heç bir dövlətdən asılı olmayan müstəqil bir dövlətin hökmdarı sayıldığını faktlarla vurğuladı. çıxışda Babək barədə bu günədək geniş elmi ictimaiyiyətə açıqlanmamış bir sıra maraqlı məsələlərə toxunuldu. Xüsusilə Babək Xürrəminin bir hökmdar kimi fəaliyyəti, Babəkin və xürrəmilərin İslam inancında olmaları, xürrəmilik ideyalarının mahiyyəti ilə bağlı yeni fikirlər söylənildi.

Məruzəçidən sonra çıxış edən qonaqlar müstəqil Azərbaycanımızın milli ideologiyasının formalaşmasında Babək Xürrəmi şəxsiyyətinin və ideyalarının yeri və rolu barədə fikir və mülahizələrini səsləndirdilər. Tədbir maraqlı diskussiyalar və polemik çıxışlarla yadda qaldı. Sonda çıxış edərək tədbir iştirakçılarına təşəkkür edən V. Zifəroğlu sentyabrda daha bir dəyirmi masa təşkil edəcəklərini bildirdi.

Strateq.az