XƏBƏR LENTİ

04 Avqust 2020
03 Avqust 2020

Digər Xəbərlər

16 İyun 2015 - 10:22

Ayaz Mütəllibov: “ SSRİ Dövlət Şurasına üzv olmağım yadıma düşmür”

ssri dovlet surasi.jpeg

Azərbaycanın sabiq prezidenti Ayaz Mütəllibov Rusiya Dövlət Dumasının deputatlarının ona qarşı irəli sürdüyü “vətənə xəyanət” ittihamlarına cavab verib.

“Mən heç bir qanunazidd hərəkət etməmişəm. üstəlik “vətənə xəyanət” ittihamının özü çox gülməlidir. Digər tərəfdən isə mən “SSRİ Dövlət Şurası” adlı bir qurumun üzvü olmağımı ümumiyyətlə xatırlamıram. Həmin qurumda olmamışam, orada heç bir sənədi imzalamamışam.

Bəli, mən yeni ittifaq müqaviləsinin hazırlanmasında iştirak etmişəm. çünki mən yenilənmiş, lakin vahid İttifaqın qorunub saxlanmasının tərəfdarı idim. Lakin Dövlət Şurasının işində iştirak etməmişəm. özü də 1991-ci ilin payızında SSRİ faktiki olaraq parçalanıb məhv olmağın bir addımlığında idi. Bu gerçəklə üz-üzə dayanmışdı. Başa düşə bilmirəm ki, Mixail Qorbaçovun Dövlət Şurasına görə məsuliyyətə cəlb olunması məsələsi Dövlət Dumasının yadına niyə məhz indi düşdü. Bu, bəlkə Rusiya ilə Qərb arasındakı münasibətlərin soyuması ilə bağlıdır?!” – deyə A.Mütəllibov virtualaz.org saytına açıqlamasında bildirib.