XƏBƏR LENTİ

22 Yanvar 2021

Digər Xəbərlər

31 May 2016 - 15:11

Spikerin Zahid Orucun təklifinə rekasiyası:“Nə karton, nə jurnal?”

zahid oruc

Milli Məclisin bugünkü  iclasında “Hərbi vəzifə və hərbi xidmət haqqında” qanun layihəsinə dəyişiklik müzakirəyə çıxarılıb.

Dəyişiklikdə “xarici ölkələrin siyahısı müvafiq icra hakimiyyəti orqanı tərəfindən təsdiq edilmiş təhsil müəssisələrində" sözlərinin  “xarici ölkələrdə" sözləri ilə əvəz edilməsi təklif olunur. (modern.az)

Deputat Zahid Oruc "Hərbi vəzifə və hərbi xidmət haqqında" qanun layihəsinə təklif edilən dəyişikliyin əleyhinə çıxıb və bunu məqbul saymayıb. O təklif edib ki, bu məsələ yenidən Prezident Administrasiyasının müvafiq şöbəsi ilə bir daha müzakirə olunmalı, dəqiqləşdirilməlidir.

Çox tələbələr var ki, onlar dünyanın müxtəlif ölkələrində əsasən də Rusiya və Ukraynanın tanınmayan “karton” universitetlərində təhsil alırlar. İndi bu məsələnin onlara da şamil olunması düzgün deyil.  Bundansa Konservatoriyanın tərkibində musiqi kolleci var, orada fitri istedadlar oxuyur.

Onlar barmaqlarla işləyirlər. Sonra əsgərliyə çağırılırlar, bir il yarım əsgərlikdə olurlar, onların barmaqları sıradan çıxır. Biz beləliklə istedadları itiririk. Yaxşı olardı ki, onların hərbi xidmətdən azad edilməsi məsələsinə baxılardı”.

Spiker Oqtay Əsədov isə millət vəkilinin fikirlərinin əleyhinə çıxıb: “Nə karton, nə jurnal. Universitet universitetdir. Camaatın uşağı gedib orada təhsil alır. Məsələ onlara da, buranı bitirənlərə də şamil olunmalıdır. Bu şamil olunmasa, insan hüquqlarının pozulması olardı”.