XƏBƏR LENTİ

10 Mart 2021

Digər Xəbərlər

22 İyul 2016 - 15:09

Lisenziyası ləğv edilən “Texnikabank”ın Azərbaycanın digər banklarına külli miqdarda borcu var

T bank 66

 Hazırda ləğvetmə prosesi aparılan "Texnikabank" ASC-nin filiallarının yerləşdiyi daşınmaz əmlakların bir qismi digər maliyyə institutlarında girov qoyulub..

Məlumata görə, "Texnikabank" fəaliyyəti dövründə əsasən Azərbaycan banklarından təqribən 52 mln. manat vəsait cəlb edib. Bu vəsait üçün girov qismində isə həmin əmlaklar göstərilib. Hazırda onların satılması və götürülmüş borcların geri qaytarılması istiqamətində iş aparılır.

Xatırladaq ki, Azərbaycan Mərkəzi Bankı İdarə Heyətinin 2016-cı il fevralın 1-də qəbul etdiyi qərarla "Texnikabank"ın lisenziyası  ləğv edilib. Qurum öz qərarını bankın məcmu kapitalın minimum məbləği ilə bağlı tələbə (50 mln. manat) əməl etməməsi, məcmu kapitalın adekvatlıq əmsalının 3%-dən az olması, kreditorları qarşısında öhdəliklərini icra edə bilməməsi, cari fəaliyyətini etibarlı və prudensial qaydada idarə etməməsi ilə əsaslandırıb.

Bankın ləğvedicisi əvvəlcə “M.M.M. Perfekt Konsaltinq” MMC olsa da, sonradan 1 saylı Bakı İnzibati- İqtisadi Məhkəməsinin qərarı ilə bu səlahiyyət Azərbaycan Əmanətlərin Sığortalanması Fonduna verilib.  (Report)