XƏBƏR LENTİ

28 Oktyabr 2020
27 Oktyabr 2020

Digər Xəbərlər

27 İyul 2016 - 14:21

ATU yüksək ballı abituriyentlərəəlavə təqaüdlər verəcək

Azərbaycan Texnologiya Universitetində (ATU) iqtisadiyyatın, müxtəlif sənaye sahələrinin müasir tələblərinə uyğun ixtisaslar üzrə kadr hazırlığı aparılır.

ATU-dan verilən məlumata görə, ali təhsil almaq üçün ATU-nu seçən abituriyentlər şəffaf və obyektiv mühitdə oxumaqla yanaşı beynəlxalq layihə və proqramlara qoşulmaq, tanınmış şirkətlərdə və xarici ölkələrdə təcrübə keçmək, İKT və xarici dil biliklərini təkmilləşdirmək imkanı qazanacaq.

Eyni zamanda ATU-nu seçən yüksək bal toplamış abituriyentlərə rektorluğun qərarına əsasən aşağıdakı əlavə təqaüdlər veriləcək.

500 – 550 bal toplayanlara – ayda 30 azn
550 – 600 bal toplayanlara – ayda 50 azn
600 – 650 bal toplayanlara – ayda 75 azn
650 – 700 bal toplayanlara – ayda 100 azn
700 bal toplayanlara – ayda 150 azn

ATU-da abituriyentlərin yolunu gözləyən bu günün və gələcəyin ən perspektivli ixtisasları ötən ilki keçid balları göstərilməklə aşağıdakılardır:

– I qrup üzrə
1. Kompüter elmləri – 300 ( – )
2. Metallurgiya mühəndisliyi – 200 (317)
3. Maşın mühəndisliyi – 200 (301)
4. Nəqliyyatda daşımaların və idarəetmənin təşkili mühəndisliyi – 200 (370)
5. Texnoloji maşın və avadanlıqlar mühəndisliyi – 200 ( – )
6. Elektronika, telekommunikasiya və radiotexnika mühəndisliyi – 250 ( – )
7. Proseslərin avtomatlaşdırılması mühəndisliyi – 200 ( – )
8. Kompüter mühəndisliyi – 209 ( – )
9. İnformasiya texnologiyaları və sistemləri mühəndisliyi – 250 (501)
10. Tikinti materialları və məmulatlarının texnologiyası mühəndisliyi
11. Kimya mühəndisliyi – 200 ( – )
12. Qida məhsulları mühəndisliyi – 200 (329 )
13. Çoxişlənən malların texnologuyası mühəndisliyi – 200 (289)
14. İstehlak mallarının ekspertizası və markentinqi – 200 ( – )
15. Təkrar emal və bərpa texnologiyaları mühəndisliyi –
16. Metrologiya, standartlaşdırma və sertifikasiya mühəndisliyi – 200 (378)
17. Ekologiya mühəndisliyi – 200 (326)

– II qrup üzrə

1. Mühasibat uçotu və audit ¬- 219 ( – )
2. Sənayenin təşkili və idarə olunması – 201 ( – )
3. Menecment – 211 ( – )
4. Marketinq – 200 ( – )
5. Biznesin idarə edilməsi – 200 ( – )
6. Dövlət və bələdiyyə idarəetməsi – 200 ( – )
– V qrup üzrə
1. Dizayn – 200 ( – )

Bundan başqa TQDK-nın Azərbaycan Texnologiya Universitetində (ATU) fəaliyyət göstərən Sənəd Qəbulu Komissiyası 29.07 – 10.08.2016-cı il tarixinlərində keçiriləcək ixtisas seçimi mərhələsində xüsusi rejimdə işləyəcək. Məqsəd respublikanın ali təhsil müəssisələrinə qəbul olunmaq üçün müvafiq balları toplamış abituriyentlərə ixtisas seçimində kömək göstərməkdir. Gəncə şəhəri və ətraf rayonlardan olan abituriyentlər ixtisas seçimində düzgün qərar vermək, həmçinin yaranan sualları aydınlaşdırmaq üçün ATU-dakı Sənəd Qəbulu Komissiyasının yardımından istifadə edə bilərlər.