XƏBƏR LENTİ

11 Avqust 2020

Digər Xəbərlər

01 Avqust 2016 - 13:41

Ölkə ərazisində “Təmiz hava”aylığına start verildi

Avqustun 1-dən 31-dək Azərbaycan Respublikası Daxili İşlər Nazirliyinin Baş Dövlət Yol Polisi İdarəsi Ekologiya və Təbii Sərvətlər Nazirliyi ilə birgə respublika ərazisində “Təmiz hava” aylığı keçirir.

Baş Dövlət Yol Polisi İdarəsindən bildiriblər ki, “Təmiz hava” aylığı tədbirinin keçirilməsində əsas məqsəd atmosferin çirklənməsinə nəzarətin gücləndirilməsi və avtomobillərin ixrac qazlarının tərkibində olan zərərli maddələrlə atmosferin çirkləndirilməsinin qarşısının alınmasıdır.

Tədbirlə əlaqədar Baş Dövlət Yol Polisi İdarəsi nəqliyyat vasitələri sahiblərinin, sürücülərin və eləcə də avtonəqliyyat müəssisələri rəhbərlərinin nəzərinə çatdırır ki, istifadələrində olan avtomobillərin yanacaq sistemini tənzimləməklə onları saz vəziyyətə gətirməli və ixrac qazlarının tərkibinin normalara uyğunlaşdırılmasını təmin etdikdən sonra istismarına yol verməlidirlər.

Ətraf mühitə atılan tullantılarda müəyyən edilmiş normadan artıq çirkləndirici maddələr olan avtomobillərin idarə olunmasına və onların istismara buraxılmasına yol verən fiziki və hüquqi şəxslər qanunvericiliklə müəyyən edilmiş qaydada məsuliyyət daşıyırlar.