XƏBƏR LENTİ

08 Avqust 2020
07 Avqust 2020

Digər Xəbərlər

24 İyul 2015 - 08:02

Xədicə İsmaylovanın məhkəməsi başlanıb: Siyasətçilər və xarici diplomatlar zala buraxılmayıb

xedice mehkeme.jpg

Bu gün Ağır Cinayətlər Məhkəməsində jurnalist Xədicə İsmayılovanın işi üzrə proses başlanıb.

Məhkəmə gücləndirilmiş təhlükəsizlik tədbirləri və məhkəmə zalına məhdudlaşdırılmış girişlə müşayət olunub.

İyulun 24-də jurnalistlər, ictimai və siyasi xadimlər, habelə xarici diplomatlar da daxil olmaqla, onlarla insan hakim Ramella Allagverdiyevanın sədrliyi ilə başlamış hazırlıq prosesində iştirak üçün zala buraxılmayıb.

Polis və məhkəmə nəzarətçiləri boş yerlər olmasına baxmayaraq, insanları zala buraxmayıblar. Bu da toplaşanların etirazlarına səbəb olub və onlar dəhlizdə əl çalıb “Xədicə” deyə qışqırmağa başlayıblar, xəbəri hadisə yerindən Turan-ın müxbiri verib.

Xədicə İsmayıl Tural Mustafayev adlı şəxsi intihar həddinə çatdırmaqda ittiham olunur. Xədicə İsmayıla qarşı 2014-cü il dekabrın 5-də Cinayət Məcəlləsinin 125-ci maddəsi (özünü öldürmə həddinə çatdırma) ilə ittiham irəli sürülüb. Sonradan Tural Mustafayev mətbuat vasitəsi ilə şikayətini təzyiq altında verdiyini və şikayətindən imtina etdiyini bəyan edib.

2015-ci ilin fevralında jurnalistə qarşı Cinayət Məcəlləsinin 179.3.2 (mənimsəmə və israf etmə – külli miqdarda törədildikdə), 192.2.2 (qanunsuz sahibkarlıq), 213.1 (vergi ödəməkdən yayınma) və 308.2-ci (vəzifə səlahiyyətlərindən sui istifadə) maddələri ilə yeni ittihamlar elan edilib.