XƏBƏR LENTİ

07 İyun 2020
06 İyun 2020
05 İyun 2020

Digər Xəbərlər

30 Avqust 2016 - 16:41

“Qazprom” “Türk axını” layihəsinin bərpası məqsədiləTürkiyədə danışıqlar aparacaq

qazprom

Rusiyanın "Qazprom" şirkəti avqustun 31-də "Türk axını" layihəsinin bərpası məqsədilə Türkiyədə danışıqlar aparacaq.

"Report" xəbər verir ki, bu barədə TASS-a şirkətin başçısının müavini Aleksandr Medvedev məlumat verib.

"Danışıqlar faktiki olaraq gedir, bu proses hələ Türkiyənin iqtisadiyyat naziri ilə Rusiyanın energetika naziri arasında keçirilmiş görüşdə başlayıb. Bu prosesin bərpası haqqında razılıq əldə edilib. Sabah isə şirkətin rəhbəri Aleksey Millerin Türkiyəyə səfəri planlaşdırılır. O, səfər zamanı həmkarı ilə görüşəcək. Mən də ora getməyə hazırlaşıram. Proses faktiki olaraq işə düşüb", – deyə, o bildirib.

Xatırladaq ki, Türkiyə prezidenti Rəcəb Tayyib Ərdoğan və Rusiya dövlət başçısı Vladimir Putin arasında avqustun 9-da Sankt-Peterburqda keçirilən danışıqların nəticələrinə görə, "Türk axını" layihəsi üzrə işləri bərpa etmək, işçi qrup yaratmaq və yol xəritəsini hazırlamaq barədə qərar qəbul edilib.

Qeyd edək ki, "Türk axını" layihəsinin dəniz hissəsinin hər biri 15,75 milyard kubmetr gücə malik dörd qoldan ibarət olacağı nəzərdə tutulmuşdu. Qaz boru kəməri "Cənub axını" köhnə dəhlizində 660 km və Türkiyənin Avropa hissəsi istiqamətində yeni dəhlizdə 250 km uzunluğa malik olmalı idi.