XƏBƏR LENTİ

06 Avqust 2020
05 Avqust 2020

Digər Xəbərlər

28 Sentyabr 2016 - 20:50

Əlcəzairdə OPEC ölkələrininqeyri-rəsmi görüşü başlayıb

neft

Əlcəzairdə OPEC üzvü olan ölkələrin qeyri-rəsmi görüşü başlayıb. Görüşdə dünya neft bazarının sabitləşdirilməsinə dair mümkün tədbirlər müzakirə ediləcək.

Gözlənilir ki, kartelin üzvü olan ölkələrin iclasında neft bazarında əlaqələndirilən fəaliyyət haqqında danışıqlar davam etdiriləcək, o cümlədən hasilat səviyyəsinin dondurulması məsələsi müzakirə olunacaq.

Görüş sentyabrın 27-də işə başlayan Beynəlxalq Energetika Forumu çərçivəsində keçirilir. Forum sessiyalarının çoxu başa çatıb. Bununla belə, Nigeriyanın neft naziri Emmanuel Kaçikvu bildirib ki, danışıqların ilk günündə iştirakçılar neft hasilatının dondurulmasına dair hər hansı razılığa gələ bilməyiblər.

OPEC-in qeyri-rəsmi görüşünədək bir sıra ikitərəfli və çoxtərəfli danışıqlar aparılıb. Bu danışıqlarda kartel üzvləri bazarda birgə fəaliyyətin mümkünlüyü barədə mövqeləri yaxınlaşdırmağa çalışıblar(azərtac).