AFFA-nın prezidenti Rövnəq Abdullayev  Avropa Liqasının qrup mərhələsinin ikinci turunda "Qəbələ" – "Maynts" oyunundan (2:3) sonra jurnalistlərin suallarını cavablandırıb.

O, "Qəbələ"nin yaxşı oynadığını deyib:

– Yaxşı oyun oynadıq, amma rəqib çox güclü idi. "Maynts" Almaniya Bundesliqasının əsas komandalarından biridir. Pis oynamadıq. Qalib də gələ bilərdik, amma alınmadı.

– UEFA prezidenti  Aleksander Çeferin də oyunu izləyənlər arasında idi. O, oyun barədə nə fikirdə idi?

– Nə fikirdə olmalı idi?! Əlbəttə, yaxşı fikirdə olacaq.

– Sizcə "Qəbələ"nin qələbə qazanması üçün nə çatışmırdı?

– Mənə elə gəlir ki, buna təcrübəmiz çatmadı. Onlar çox güclü idilər.

– Bu gün "Qarabağ"dan hansı nəticəni gözləyirsiniz?

– "Qarabağ"dan nə gözləməliyəm, əlbəttə ki, qələbə.

Qol.az